Kaleidoscope

近排ｄ同學講起會考完去邊度旅行
個個都係去台灣
我同婷姐一早就ｐｌａｎ左去東京
但係我下學年就去美國讀書
有一排係度諗都係唔好去日本啦
因為阿ｍａ已經俾左一筆錢我去美國
但係．．．但係．．．
我依然係極之好好好想去日本東京呀！
我控制唔到自己去諗日本啦
所以我近日係咁同阿ｍａ講會考之後我要去日本東京
阿ｍａ話邊有錢呀，阿姐話問叔叔拎錢
我要鼓起勇氣去問叔叔，叫佢贊助我去旅行！！！
人地個個考完會考都去台灣，但係我唔想去呀
之前去左成個星期台北，再去會好悶嫁
台北真係無野好玩，得行街同食野．．．
日本起碼有ｄｉｓｎｅｙｌａｎｄ　ｍａ！！！
而且東京有好多地方都未去過．．．
因為上次去台北係自遊行，所以去左好多地方，無野好行啦．．．
台北去一次就算啦～
家姐都問我會考完去唔去台灣，無人陪佢去
ｄ同學都有問我去唔去，尤其是ｉｖｙ，問左我好多次
宜家依然係度叫我去．．．
但係我真係唔想去台灣啦！！！
雖然係好平，平過日本一倍再多ｄ
但係我始終都係個日本迷，唔可以放棄去日本既理想嫁ｍａ～
又可以去買Johnny's既週邊，有可能去睇ｃｏｎ
（雖然我地唔知到時邊一個開ｃｏｎ，但有邊個就睇邊個！！！）

                                        去日本東京既洗費一覽（港幣）

ｅ家機票：＄２３９０（ｚｕｊｉ：最平既聯合航空）
稅＋機場雜費：＄５１５（按ｚｕｊｉ提供）
住池袋之家８日７夜（最平個種）＝二人房每人日元３０００
７日要日元２１０００
匯率以０．０６５黎計：８日７夜要港幣１３６５
我諗交通費預佢＄５００（一定有多！）
食野＄２５００（預佢好多啦，已經係超豪華餐啦＠＠餐餐食上百黎計）
ｔｏｔａｌ：港幣７２７０（唔計買野）

１月至６月每個月儲蓄＄３８０－４００，總共＄２６６０－２８００
我會叫叔叔俾八千蚊俾我去旅行
上次同家姐去日本跟團要過八千呀ｔｏｔａｌ
我重有二千幾蚊既儲蓄，夾埋個八千蚊，三樣總共港幣１２８６０
其實我去到東京都唔會點買野呀，用九千蚊已經有餘嫁啦！
雖然依家講太早，點都好，希望可以臨離開香港去美國讀書前 
可以同同學一齊去到東京旅行，これはわたしの夢だよ～