Kaleidoscope

我地又係早上出發去惠比壽
因為重早既關係,我地行左JR站既商場先(唔記得叫咩名)
係個度有張海報,個女MODEL著既橙色連身裙好靚~
不過好貴....我地係個度無買過野....
行返出去D街舖,點知d舖頭未開,我地等左一陣
就入左間生活雜貨店,我買左4個果jam做手信
個度d舖頭因為係街舖,分得比較散,所以行左一陣就放棄
搭返山手線去涉谷行大商場
涉谷行左好多地方,我都唔係好記得晒
我地除左行大商場,重行左一d比較高檔既街舖
估唔到個一帶都幾多人行,因為係d唔係好顯眼既地方
我係Three Minutes Happiness度買左件衫tim
係涉谷車站附近有好多人,個馬路就係香港成日都影住既出名馬路
又直行同打斜行,多人都好恐怖
行下行下街見到有班人係度扮蜘蛛俠,JACK SPARROW
D外國遊客係咁影相,我無影到啦(唔好打我)
不過真係好型,係條街係咁行來行去,蜘蛛俠同海盜係涉谷行wo>3<
我地lunch求其係間地牢既餐廳食
我叫左個類似漢堡扖既定食
但係個漢堡扖入面係有豬肉,肉汁係裡面既
都唔錯呀!!!!我係個度先發現原來日本餐館既燈光都係咁暗
搞到我地食野個陣成日都覺得好眼訓.....
食完再行下uniqlo同gap,人地話uniqlod野平
我又唔多覺wo,一件連胸墊既背心差唔多一百蚊,都唔係特別平既
所以無買到野,gap就更加唔使講,係名牌黎既,一定好貴!
行到累,就係個公園仔(唔算公園啦)坐下,前面就係街頭歌手表演
佢唱左一陣間,因為太大聲,有2個警察走去佢度,佢就慢慢唔彈
講左句konnichiwa,好搞野XD

我地就走返去池袋行下東池袋個頭
行左間賣日式野既舖頭,SANRIO
我諗住去sunshine city度行下街啦
點知我地見到好多人拎住0101既環保袋
我地就諗住0101可能大減價啦
所以咪由sunshine city行去0101 lo
行到超累(有地圖就知有幾遠><")
點知都唔係大減價!!!!到e家都唔明人地點解拎住咁多0101既袋
e個係第2個既謎........(第一個謎係點買johnny's shop入面既相)
我地諗住食牛兵衛,點知爆晒,個職員講既日文又唔明啦wo
佢就彈左個交叉就算,我地唯有走人
都唔知佢係無晒位去燒肉,定係其他原因.......第三個謎......
我地就去買m記期間限定既餐,係雙層牛柳芝士蛋漢堡+麥樂雞餐
重有3個醬比我地選擇,有咖哩,bbq同埋另一隻醬(唔知係咩)
我地就咁打包返去食,超級好味!!!!唔同hk既包味
去日本一定要試試m記呀!!!!真係好味好多,當然唔好買香港有得賣既包啦~