Kaleidoscope

今日係最充實既一日,係比較似旅遊既一日
唔似之前咁成日都係行街
早上去左淺草,好多人,我地係個雷門度搵人幫我地影相啦
有個外國人搵我地幫佢地影相
不過佢係用日文黎同我地講嫁,佢以為我地係日本人啦!
但係我地唔係ma,我地用返英文黎同佢講
佢又返日文黎同我地講,好微妙既感覺XD
影完就叫返佢幫我地影相
行左成條仲見世通,買左手機繩
係觀音寺拜神祈福,我地跟足書上所寫既步驟
先洗手,喝水,買香,點香,上香
then用手向自己撥煙
我地有求到籤,婷姐大吉,我得小吉,好傷心......

行完之後,我地去食一間好高級既鰻魚飯,係叫做前川既一間日式舖頭
一入到去,就要除鞋,換拖鞋上去3樓,係有lift嫁,好勁
個婆婆(大約中年,六十幾歲到)幫我地拎鞋,真係唔好意思
一共有幾層,係要跪係度食個種,不過我地無跪,曲腳坐低就算
因為真係好辛苦><"   SERVE我地既女仔俾左張英文menu
個舖頭係正隅田川既河既旁邊,我地有係個度影相
成間房得幾個人,個個都係極靜既lo.搞到我地唔敢出聲
我地叫左個最平既定食,不過最平得黎都要成二百幾蚊lo=.="
真係太高級啦!!!我見個meau有上千銀既定食tim呀@@
食完落返去地下俾錢,個婆婆識英文嫁,好勁!
佢問我地係邊度黎,走個陣送埋我地,我向佢揮手講byebye呢
好親切^^

我地就出發去台場啦,搭船前經過汽水機,見到有十六茶賣,當然就買左一支啦
搭船過去台場要轉船,因為我地唔搭宇宙船himiko
人地話夏天會好局,而且係密封式設計,我地就搭最平既船過去台場
d海風好舒服,舒服到覺得好凍.....轉船好快炸,好彩唔係搭himiko炸
影相都方便好多~沿途經過13條橋,未試過經過咁多條橋lo
最後會望到經典既彩虹橋啦>3<   的確好靚!!
上次去東京搭旅遊巴行過彩虹橋,但係睇唔到彩虹橋,今次終於補返~
去到台場,我地影下個沙灘,應該係人造既,再影下富士電視台
就即刻去富士電視台啦!!!!要先上左7樓先,個度有精品賣
我買左個小丸子筆袋,入面有埋獸王星,one piece既野賣
我見到入面重有套動畫,係一家人黎嫁,我諗係"我們這一家"既死對頭
睇完就落去5樓,有節目既相,明星既簽名板,節目既佈景等等睇
我就係咁影堂本兄弟同新堂本兄弟既野,重影埋SMAPXSMAP,Hey!Hey!Hey!既佈景板
求婚大作戰既宣傳單張一早俾人拎晒,得返一款唔知係咩既宣傳單張
係wo,我係涉谷既JR站入面見到求婚大作戰既宣傳板呢(唔記得係咪涉谷)
行完富士電視台,行左5分鐘aqua city,跟住就搭無人駕駛既ゆりかもめ線去青海站睇E☆E演唱會
演唱會內容請看E☆E６月３日演唱會好亂小Report

睇完E☆E演唱會,我原來諗住睇台場夜景既,不過見重未食野,而且又唔多識行返AQUA CITY
所以就算數啦,搭電車返池袋食燒羊肉,咁橋我地可以搭個班臨海線係連接住琦京線
所以可以直接返到池袋,可幸運呢~個羊肉燒無咩特別,都ok好味~~~
返到酒店,我地就睇新堂本兄弟啦~~~
搞到我好似為左KinKi而去日本tim   (路人甲:你根本就係XD)